01/07/2020
Bydd cyfres o gynlluniau traffig newydd yn cael eu rhoi ar waith ledled Caerdydd i sicrhau bod plant a theuluoedd yn gallu cadw pellter cymdeithasol yn ddiogel ac yn cael eu cefnogi i deithio'n llesol
Bydd ffyrdd yn cael eu cau mewn 27 o safleoedd ysgol er mwyn hwyluso ymbellhau cymdeithasol mewn mannau gollwng a chasglu.
Bydd mesurau eraill yn cynnwys lledu palmentydd a llwybrau a chyflwyno cyfyngiadau 20mya dros dro ar ffyrdd mewn rhai safleoedd ysgol.
Darllen mwy>
22/06/2020
Mae Lee Waters MS, Dirprwy Weinidog yr Economi a Thrafnidiaeth wedi cyhoeddi cyllid o £ 15.4m i awdurdodau lleol i gyflwyno mesurau i wella diogelwch ac amodau ar gyfer dulliau teithio cynaliadwy a gweithredol yn eu hardal mewn ymateb i argyfwng Covid-19 ac i gyflawni’n barhaus. newidiadau mewn ymddygiad teithio yn y dyfodol.
"Cawsom gyfanswm o 209 o gynigion ar gyfer mesurau gan bob awdurdod lleol mewn ymateb i’r gwahoddiad am ddatganiadau o ddiddordeb. Mae hyn yn amlwg yn dangos yr angen, a pharodrwydd awdurdodau lleol, i gyflwyno mesurau i warchod iechyd a diogelwch y cyhoedd ac i alluogi pobl i ddewis y dulliau iachaf a mwyaf cynaliadwy o deithio am bellter byrrach nawr ac yn y dyfodol. Yn ystod y cyfyngiadau symud bu cynnydd mawr mewn cerdded a beicio ymhlith unigolion a theuluoedd, ar gyfer ymarfer corff ac i wneud teithiau angenrheidiol. Mae angen inni bellach weithredu i gynnal y dulliau yma o deithio sy’n ystyried yr hinsawdd, ac i osgoi dychwelyd at ddewisiadau teithio sy’n ddibynnol iawn ar geir.
"Ymhlith y mesurau amrywiol sy’n cael eu cynllunio ar lefel leol, rwyf wedi gofyn i awdurdodau lleol flaenoriaethu’n glir y broses o gyflawni’r cynlluniau y gellir eu cwblhau o fewn y tri i bedwar mis nesaf ac sy’n cael yr effaith fwyaf ar eu hardal leol.
Darllen mwy>
08/06/2020
Creu systemau cerdded unffordd i ddiogelu'r cyhoedd, gosod mannau croesawu i esbonio sut bydd symud o amgylch canol y ddinas yn gweithio ac agor tiroedd Castell Caerdydd i greu sgwâr cyhoeddus ‘newydd' i fusnesau lleol ei ddefnyddio - yw dim ond rhai o'r cynlluniau mae Cyngor Caerdydd yn eu hystyried wrth iddo baratoi i adael cyfnod y cloi.
Mae'r mesurau yn cynnwys:
Canolfannau Croesawu - yn y prif bwyntiau mynediad i gerddwyr i'r ddinas. Bydd y Mannau Croeso yn cynnig gwybodaeth i'r ymwelydd/siopwr/gweithiwr ar sut mae canol y ddinas yn gweithio, sut i ymweld mewn modd diogel, sut i gyrraedd cyrchfannau penodol, cynllun cerdded, cyfleusterau golchi dwylo, cyfleusterau parcio beiciau ac aelod o staff i gynorthwyo. Bydd arwyddion a llysgenhadon stryd hefyd ar gael drwy ganol y ddinas i gynorthwyo ymwelwyr ac i atgyfnerthu'r wybodaeth a ddarperir yn y mannau croeso.
Darllen mwy>
02/06/2020
Mae Llywodraeth Cymru wedi dyfarnu £3.358 miliwn ogyllid priffyrdd a thrafnidiaeth ar gyfer 2020/21, i'w fuddsoddi yng nghynlluniau parcio a theithio, safleoedd bws a diogelwch ar y ffyrdd.
Ym mis Mai 2020, cytunodd y Cyngor ar Raglen Gyfalaf y Priffyrdd gwerth £25.02 miliwn ar gyfer 2020/21, gan ddod â chyfanswm y buddsoddiad mewn priffyrdd a thrafnidiaeth ers 2015/16 i £146 miliwn. Mae'r Rhaglen Gyfalaf ddiweddaraf yn dangos bod gwella'r rhwydwaith priffyrdd yn parhau i fod yn flaenoriaeth fuddsoddi i'r Cyngor.
Mae'r Cyngor wedi cael cadarnhad yn ddiweddar o'i geisiadau llwyddiannus i Lywodraeth Cymru am gyllid grant yn ystod y flwyddyn ariannol bresennol.
Darllen mwy>
28/05/2020
Mae Cyngor Wrecsam wedi llunio rhestr o waith gwerth cyfanswm o £3 miliwn y gellir ei wneud i wella Teithio Llesol ar draws y Fwrdeistref Sirol os derbynnir yr arian angenrheidiol gan Lywodraeth Cymru.
Mae Teithio Llesol yn canolbwyntio ar gerdded a beicio fel modd o deithio er enghraifft i’r gwaith neu i’r ysgol. Mae hyn wedi bod yn uchel ar ein hagenda ers rhai blynyddoedd bellach gyda gwaith yn cynnwys datblygiad Mapiau Teithio Llesol a nifer o sesiynau o ymgynghori ac ymgysylltu wedi arwain at ddatblygu a gweithredu amrywiaeth o brosiectau.
Yn ddiweddar ysgrifennodd Llywodraeth Cymru at Awdurdodau Lleol yn gofyn am Fynegiannau o Ddiddordeb ar gyfer mesurau cludiant cynaliadwy.
Darllen mwy>
12/05/2020
Mae Lee Waters, Dirprwy Weinidog Trafnidiaeth Llywodraeth Cymru, wedi ysgrifennu at bob awdurdod lleol yn eu gwahodd i gyflwyno cynigion ar gyfer mesurau dros dro a fyddai’n gwella’r amodau ar gyfer teithio cynaliadwy a llesol.
Mae cyfyngiadau yn sgil y coronafeirws wedi arwain at lawer llai o draffig ar y ffyrdd, llai o bobl yn defnyddio trafnidiaeth gyhoeddus, a mwy o bobl yn cerdded a beicio. Mae’r cais hwn i weithredu gan Lywodraeth Cymru wedi’i sbarduno gan y disgwyliad y bydd angen cadw pellter am fisoedd lawer i ddod, yn ogystal â’r ansicrwydd ynghylch patrymau teithio yn y dyfodol.
Yn ogystal, mae’r cyfyngiadau wedi gweld cynnydd enfawr mewn gweithio o bellter, gan arwain at gwestiynu p’un a oes angen teithio pellteroedd mawr ar gyfer gwaith.
Darllen mwy>
11/05/2020
Mae ymestyn palmentydd i heolydd, creu llwybrau beiciau dros dro, tynnu dodrefn stryd, cynnal ymgyrch ymwybyddiaeth cyflymder ac ailgynllunio'r gofod cyhoeddus o amgylch canolfannau siopa cymunedol ymhlith y syniadau sy'n cael eu cynnig ar unwaith gan Gyngor Caerdydd yn rhan o'r ymateb parhaus i COVID-19.
Mae Cyngor Caerdydd wedi bod yn gweithio'n galed y tu ôl i'r llenni i gyflwyno nifer o gynlluniau peilot sydd â'r nod o gadw'r cyhoedd yn ddiogel a sicrhau ei bod yn bosibl ymbellhau'n gymdeithasol mewn mannau cyhoeddus.
Dywedodd y Cynghorydd Caro Wild, Aelod Cabinet Cyngor Caerdydd dros Gynllunio Strategol a Thrafnidiaeth, "Y disgwyl yw y bydd ymbellhau cymdeithasol yn rhan o'r ‘normal newydd' am beth amser, ac mae hyn yn creu her sylweddol i drigolion a'r awdurdod lleol.
Darllen mwy>
29/04/2020
Gwahoddir pobl ifanc hyd at 18 oed i ddylunio poster a fydd yn annog pobl i ddefnyddio dulliau teithio llesol yn ddiogel, yn hybu manteision terfynau cyflymder 20 mya i gymunedau neu’n annog gyrwyr i ymddwyn yn fwy diogel ledled Cymru. Bydd Partneriaid Diogelwch Ffyrdd Cymru yn rhannu’r cynigion buddugol ar eu sianeli yn y cyfryngau cymdeithasol.
Canllawiau’r Gystadleuaeth
- Yn ddelfrydol, dylai’r posteri fod yn A4 o ran eu maint a hynny â’r llun ar draws ac nid ar i fyny.
- Cewch greu’ch gwaith celf gan ddefnyddio fformatau digidol neu fformatau eraill.
- Dim ond un cynnig yr un sy’n cael ei ganiatáu.
- Dylech anfon eich cynigion at Diogelwch Ffyrdd Cymru, 2 Cwrt-y-Parc, Parc Tŷ Glas, Llanisien, Caerdydd, CF14 5GH neu communication@roadsafetywales.org.uk.
- Rhaid i’r holl waith celf fod yn wreiddiol, rhaid iddo beidio â dod o dan gyfreithiau hawlfraint na gwahaniaethu yn erbyn unrhyw unigolyn, cwmni neu sefydliad (megis dangos brandiau alcohol neu sigaretau).
- Caiff y cynigion buddugol eu beirniadu ar sail gwreiddioldeb, creadigrwydd, effaith a’r neges sy’n cael ei chyfleu.
Bydd y cynigion buddugol yn ennill siec am £50 gan Diogelwch Ffyrdd Cymru a chaiff hyd at 5 o fuddugwyr eu dewis ar ôl i’r gystadleuaeth gau ddydd Gwener 12 Mehefin 2020.
Darllen mwy>
06/03/2020
Bydd y Cyngor yn cychwyn ar gyfres o welliannau i groesfan ym Mhenrhiw-ceibr er mwyn gwella diogelwch. Er mwyn cwblhau'r gwaith rhaid gosod goleuadau traffig dwyffordd ar y B4275 a chau rhan o Cross Street.
Bydd y gwaith ar y groesfan, sydd ar y B4275 Heol Penrhiw-ceibr - ger y ganolfan feddygol a'r pwll padlo - yn dechrau Ddydd Llun, 9 Mawrth. Bydd y cynllun yn darparu amgylchedd mwy diogel ar gyfer cerddwyr a defnyddwyr y ffordd.
Bydd y gwaith yn symud lleoliad y groesfan i ffwrdd o'r gyffordd a bydd y palmant hefyd yn cael ei ailalinio er mwyn gwella'r traffig sy'n dod tua'r de ac yn troi i'r chwith i Cross Street. Bydd gwaith yn cael ei wneud ar ymestyn y pibellau trydanol a cheblau, ynghyd â gosod wyneb newydd a marciau ar y ffordd.
Darllen mwy>
26/02/2020
Cynhaliwyd y lansiad yn Ysgol Gynradd Howardian, Pen-y-lan, yn ystod digwyddiad Iechyd a Lles a gefnogwyd gan Sustrans Cymru a Beicio Cymru.
Mae'r Cynllun Teithio Llesol Ysgolion yn cynnig cyngor a chymorth i holl ysgolion Caerdydd er mwyn iddynt ddatblygu Cynllun Teithio Llesol sy'n benodol i'w hysgol ac mae hyn yn rhan o ymrwymiad y Cyngor i sicrhau bod pob ysgol yng Nghaerdydd wedi datblygu Cynllun Teithio Llesol erbyn 2022.
Bydd y cynllun yn cynnig cymorth drwy swyddogion ynghyd ag adnoddau a chanllawiau ar-lein i helpu i newid ymddygiadau teithio gan gynorthwyo ysgolion i nodi pam fod rhieni'n defnyddio eu ceir. Bydd hyn yn eu helpu i hyrwyddo cerdded, beicio a sgwtio fel ffordd o deithio i'r Ysgol ac yn ôl gyda buddion fel:
Darllen mwy>
