08/09/2026
Clybiau rhannu ceir di-allyriadau yn ehangu ledled Cymru
Mae TrydaNi yn caniatáu i yrwyr ledled Cymru ddefnyddio ceir trydan mewn ffordd sy'n fforddiadwy, yn gyfleus ac yn fuddiol i gymunedau lleol.
- Ar hyn o bryd mae cynllun rhannu ceir TrydaNi yn gweithredu 13 clwb ceir ledled Cymru, gyda mwy na 500 o aelodau
- Mae'r cynllun yn cael ei gefnogi gan £1 miliwn o gyllid gan Lywodraeth Cymru
- Lansiwyd clwb ceir Aberystwyth ym mis Rhagfyr 2024 ac mae ganddo 99 o aelodau Gyda chyllid gan Lywodraeth Cymru gwerth £1 miliwn, mae'r cynllun ar gael i unigolion, busnesau a sefydliadau nid-er-elw, ac mae wedi tyfu i fwy na 500 o aelodau, gyda'r niferoedd yn cynyddu wrth i glybiau newydd agor.
Eleni mae TrydaNi wedi lansio clybiau yn Abertawe, Penygroes a'r Fenni, a bydd yn lansio clwb ym Mangor cyn bo hir hefyd. Ers ei lansio ym mis Rhagfyr 2024, mae clwb Aberystwyth wedi tyfu i 99 o aelodau, sy'n rhannu mynediad at ddau gerbyd trydan, Vauxhall Combo Life Electric a Renault Zoe, sydd wedi'u lleoli ym maes parcio Ffordd y Gogledd yn Aberystwyth. Dywedodd Simon LePine, aelod o glwb Aberystwyth: Dyw fy ngwraig a minnau ddim wedi bod yn berchen ar gar ers o leiaf 15 mlynedd, felly y car yw ein hunig gyfle i ddefnyddio cerbyd. Mae'n caniatáu inni ddefnyddio car pan fydd angen un arnon ni heb boeni am barcio, yswiriant a'r holl bethau eraill hynny pan nad oes angen y car. Mae'r cynllun yn arbennig o ddefnyddiol i bobl mewn ardaloedd gwledig, lle y gall darpariaeth trafnidiaeth gyhoeddus fod yn gyfyngedig a gall defnyddio car fod yn fwy hanfodol nag i'r rhai sy'n byw mewn trefi a dinasoedd.
Ymwelodd y Dirprwy Weinidog Trafnidiaeth, Mark Hooper, â chlwb ceir TrydaNi Aberystwyth i weld drosto'i hun sut mae cyllid Llywodraeth Cymru yn helpu cymunedau i gael mynediad at drafnidiaeth fforddiadwy, di-allyriadau. Dywedodd: Mae clybiau ceir yn ffordd hawdd a fforddiadwy i bobl rannu car heb y costau sydd ynghlwm wrth fod yn berchen ar un. Rwyf mor falch o weld bod y cynllun yn ehangu. Mae'n un o'r ffyrdd y gallwn ni helpu i leihau allyriadau carbon a symud tuag at ddyfodol sero net. Mae pobl nid yn unig â'r opsiwn o roi'r gorau i'w car eu hunain neu ail gar, ond gallan nhw hefyd elwa ar ddefnyddio car trydan heb ymrwymiad hirdymor. Gellir llogi ceir fesul awr neu fesul diwrnod. Gall aelodau archebu a datgloi cerbydau drwy ap TrydaNi, gyda chostau i ddechrau o £2 yr awr (wedi'i gapio ar £30) ynghyd â 16c y filltir am y 100 milltir gyntaf. Mae gan bob clwb hefyd grŵp WhatsApp dewisol ar gyfer aelodau, ac mae tîm cymorth pwrpasol ar gael dros y ffôn rhwng 8am a 10pm, saith diwrnod yr wythnos. Gall aelodau ddod yn Hyrwyddwyr Cymunedol sy'n caniatáu iddyn nhw ennill credydau drwy helpu i lanhau a chynnal a chadw'r cerbydau.
Fe wnaeth swyddogion heddlu yng Ngogledd Cymru stopio bron i 50 o yrwyr -gan gynnwys gyrwyr lorïau a faniau, dros bum diwrnod yr wythnos ddiwethaf fel rhan o ymgyrch sy’n parhau i warchod modurwyr ar ffyrdd prysuraf y rhanbarth. Gan ddefnyddio cerbyd nwyddau trwm heb ei farcio, mi roedd swyddogion o’r Uned Troseddau Ffyrdd yn cymryd rhan yn Ymgyrch Tramline. Mae hon yn ymgyrch blismona genedlaethol sy’n defnyddio cerbyd nwyddau trwm sydd wedi’i ddarparu gan yr asiantaeth Priffyrdd Cenedlaethol.
Â’r Nadolig yn agosáu, mae swyddogion yng Nghymru’n atgoffa pobl sy’n edrych ymlaen at noson allan i beidio â gyrru ar ôl cymryd cyffuriau neu yfed alcohol.
Bydd car gorfodaeth camera newydd yn mynd i'r strydoedd i helpu i wella diogelwch ar y ffyrdd o'r wythnos nesaf ymlaen. Bydd gan y cerbyd deledu cylch cyfyng i gofnodi lluniau o unrhyw geir sydd wedi'u parcio'n anghyfreithlon y tu allan i ysgolion, mewn arosfannau bysiau neu ar linellau igam-ogam.
Mae swyddogion o Uned Troseddau’r Ffyrdd Heddlu Gwent yn atgoffa modurwyr i sicrhau cyflwr eu teiars yn rheolaidd ar ôl iddynt weld cynnydd yn y nifer o fodurwyr yn cael eu stopio hefo teiars diffygiol.
Drwy gydol mis Rhagfyr fe gefnogodd Heddlu Gogledd Cymru Ymgyrch Limit, sef ymgyrch genedlaethol sydd wedi’i hanelu at leihau gwrthdrawiadau traffig angheuol a difrifol a gwarchod defnyddwyr ffyrdd.
Mae cynllun poblogaidd sy'n galluogi gyrwyr dynodedig i gael diodydd meddal am ddim wedi cael ei ail-lansio yn Ne Cymru.
Mi ‘roedd swyddogion o’n Huned Troseddau Ffyrdd allan ar ddydd Gwener, 4 Hydref, yn cynnal profion golwg a gwiriadau diogelwch ffyrdd yn Llandudno.
Mae adran Diogelwch ar y Ffyrdd Cyngor Sir Penfro yn cynnig cyrsiau misol am ddim ar gyfer gyrwyr aeddfed i breswylwyr 65 oed neu hŷn.
Mae rhwydwaith gwefru cerbydau trydan cyhoeddus wedi dathlu ei ben-blwydd cyntaf drwy ddarparu miloedd o filltiroedd gwyrdd i fodurwyr i deithio o amgylch Sir Ddinbych.