18/07/2019
Llywodraeth Cymru i weithredu yn erbyn parcio ar y palmant
Yn siarad mewn cynhadledd Teithio Llesol yng Nghaerdydd yn ddiweddar, cyhoeddodd y Dirprwy Weinidog dros Drafnidiaeth, Lee Waters y byddai Llywodraeth Cymru yn tynnu ynghyd grŵp o arbenigwyr i edrych ar ffyrdd mwy effeithiol o atal parcio anghyfreithlon, ac atal pobl rhag parcio ar y palmant.
Hefyd, unwaith yn rhagor, pwysleisiodd y Dirprwy Weinidog ymrwymiad Llywodraeth Cymru i leihau’r terfyn cyflymder, sy’n cael ei osod fel mater o reol mewn ardaloedd preswyl, o 30 i 20 milltir yr awr, ar draws Cymru.
Dywedodd, “Ein nod yw sicrhau bod pobl o bob oed a gallu yn teimlo ei bod yn ddiogel iddynt gerdded neu feicio wrth wneud teithiau bob dydd. Ond mae yna ffactorau yn ein pentrefi, trefi, a dinasoedd sy’n gallu gwneud eu teithiau’n fwy peryglus, a rhaid inni edrych ar sut i fynd i’r afael â’r ffactorau hynny – gan gofio bod hyn hefyd yn rhan bwysig o’n hymateb ehangach i’r argyfwng hinsawdd, yr argyfwng ansawdd aer, a’r epidemig gordewdra.
Derbyniodd aelodau Clwb Beicio yn Nhŷ Iolo, y Barri, gwobrau am eu gwaith caled dros y flwyddyn ddiwethaf, yn sesiwn olaf y clwb yn 2018.
Nod Ymgyrch Close Pass yw gwella diogelwch beicwyr ar y ffyrdd drwy addysgu gyrwyr am y ffordd ddiogel o oddiweddyd.