01/12/2017
“Ni ddylech gael eich twyllo os ydych yn mynd tu ôl i’r llyw o dan ddylanwad alcohol. Rydych mewn perygl o gael dirwy, colli’ch trwydded neu dderbyn dedfryd o garchar. Rydych yn peryglu bywydau hefyd” – dyna’r neges sy’n cael ei chyhoeddi gan Heddluoedd Cymru wrth iddynt baratoi i lansio eu hymgyrch yn erbyn yfed a gyrru a gyrru o dan ddylanwad cyffuriau dros gyfnod y Nadolig.
Mae’r ymgyrch mis o hyd yn erbyn gyrru o dan ddylanwad yn dechrau ar Ddydd Gwener, 1 Rhagfyr a bydd heddluoedd ar draws y wlad yn defnyddio tactegau cudd-wybodaeth a gwybodaeth leol o lecynnau sydd ag enw drwg i ganfod pobl sy’n gyrru o dan ddylanwad cyffuriau ac alcohol dros gyfnod yr Ŵyl.
Bydd Heddlu Gogledd Cymru yn arwain yr ymgyrch dros Gymru gyfan ac yn defnyddio’r cyfryngau cymdeithasol i ledaenu’r neges am effaith yfed a gyrru a gyrru o dan ddylanwad cyffuriau.
Darllen mwy>
25/10/2017
Mae canlyniadau Prosiect EDWARD 2017 TISPOL bellach ar gael, a’r DU oedd un o’r 15 gwlad adroddodd na fu unrhyw farwolaethau. Yn anffodus, fodd bynnag, bu 43 o farwolaethau yn ystod y diwrnod ar draws 31 o wledydd yn Ewrop, gyda Gwlad Pwyl yn cofnodi 10 marwolaeth a Rwmania a Gwlad Groeg yn cofnodi 6 marwolaeth yr un.
Roedd gweithgareddau ar y Cyfryngau Cymdeithasol yn allweddol ar y diwrnod, ac roedd #Project EDWARD yn rhif 1 o ran tueddiadau yn Iwerddon, rhif 4 yn y DU a rhif 5 yn yr Almaen, Sbaen a gwledydd eraill yn ystod y dydd. Cyfanswm y cyrhaeddiad unigryw rhwng dydd Mawrth 19 a dydd Iau 21 Medi oedd 25 miliwn, ac roedd 8,813 o gofnodion dros y cyfnod 48 awr.
Yn ogystal â chodi ymwybyddiaeth o broblemau diogelwch ar y ffyrdd, un o brif nodau Prosiect EDWARD oedd tynnu sylw at werth targedau diogelwch ar y ffyrdd yn genedlaethol ac yn Ewrop.
Darllen mwy>
13/07/2017
Mae Iechyd Cyhoeddus Cymru wedi cyhoeddi canllaw gweledol newydd hawdd i'w defnyddio er mwyn helpu sefydliadau i chwarae mwy o ran wrth annog plant i gerdded neu feicio i'r ysgol.
Gyda llai na hanner y plant yng Nghymru'n cerdded neu'n beicio i'r ysgol gynradd, mae'r canllaw ‘o'r drws i'r ddesg’ yn dangos sut y gallai datblygwyr tai, swyddogion trafnidiaeth, cynllunwyr, a hyd yn oed yr heddlu chwarae rhan hanfodol wrth wneud cerdded neu feicio i'r ysgol yn ddewis haws.
Mae'r canllaw wedi'i baratoi mewn ymgynghoriad ag arbenigwyr o'r Grŵp Rhanddeiliaid Cenedlaethol Teithio Llesol i'r Ysgol - grŵp amlasiantaeth sy'n gweithio i sicrhau mai cerdded, defnyddio sgwter neu feicio yw'r dewis cyntaf pan fydd plant yng Nghymru yn teithio i'r ysgol.
Darllen mwy>
24/05/2017
Mae plant ysgolion Sir Benfro wedi bod yn brasgamu yn wythnos flynyddol Cerdded i'r Ysgol.
Nod yr ymgyrch genedlaethol yw gwyrdroi'r dirywiad yn nifer y plant sy'n cerdded i'r ysgol - a ddisgynnodd o 70% i lai na hanner mewn cenhedlaeth.
Cefnogwyd yr achlysur gan Dîm Diogelwch ar Ffyrdd Cyngor Sir Penfro.
Darllen mwy>
15/03/2017
Cafodd dros 18,000 o bobl yng Nghymru eu stopio a’u profi ar gyfer yfed a gyrru neu yrru o dan ddylanwad cyffuriau, yn ystod Ymgyrch Atal Yfed/Cymryd Cyffuriau a Gyrru Cymru Gyfan y gaeaf hwn.
Lansiwyd ymgyrch yr heddlu gan Heddlu De Cymru ar 1 Rhagfyr gyda chymorth Angela Coen, y bu ei mab, Arran, farw o ganlyniad i yrru tra roedd dros y terfyn yfed a gyrru.
Pan ddaeth yr ymgyrch i ben Ddydd Calan, roedd swyddogion yr heddlu wedi stopio a phrofi 18,408 o yrwyr ar ochr y ffordd.
Darllen mwy>
