08/11/2021
Mae gyrwyr sy'n goryrru wedi cael eu stopio gan blant yn Llanelli am fynd dros y terfyn o 20mya y tu allan i'w hysgolion - a gofynnwyd iddynt egluro eu hunain.
Mae disgyblion o Ysgol Penygaer, Ysgol Dewi Sant ac Ysgol y Felin wedi bod yn cymryd camau i arafu modurwyr.
Cafodd cyfanswm o 33 o yrwyr eu stopio gan y plant ysgol (gan gynnwys pump am beidio â gwisgo gwregys diogelwch), gyda chefnogaeth Uned Diogelwch Ffyrdd y Cyngor a swyddogion o Heddlu Dyfed-Powys, GanBwyll, a Gwasanaeth Tân ac Achub Canolbarth a Gorllewin Cymru.
Darllen mwy>
05/11/2021
Mae gyrru'n ddiogel yn gofyn am eich sylw llawn a golwg dros y ffordd sydd heb ei rhwystro; mae unrhyw beth llai yn cynyddu'r risg o wrthdrawiad ac anaf posibl.
Rydyn ni i gyd yn gwybod bod defnyddio ffôn symudol wrth y llyw a phethau eraill yn y cerbyd sy’n tynnu’ch sylw yn ffactorau risg arwyddocaol, ond ydych chi wedi meddwl am bwysigrwydd cario'ch anifail anwes yn ddiogel yn eich cerbyd?
Dyma fater sy'n cael ei anwybyddu'n aml, ond gall hyd yn oed yr anifail mwyaf ufudd gael ei ddychryn gan rywbeth anghyffredin ac ymateb mewn ffordd sy'n peryglu diogelwch y gyrrwr, cyd-deithwyr a defnyddwyr eraill y ffordd.
Darllen mwy>
01/11/2021
Mae preswylwyr mewn rhannau o Wardiau Ynysowen, Plymouth a Threharris wedi cytuno â chynigion i ymestyn y bwriad i osod camerâu cyflymder cyfartalog ar hyd yr A4054 (Ffordd Caerdydd).
Cynhaliwyd yr ymgynghoriad cyhoeddus rhwng Awst a Medi 2021, gan ysgogi dros 1200 o ymatebion gan drigolion, defnyddwyr ffyrdd ac aelodau o’r cyhoedd, gyda dros 63% o bobl yn cytuno â gosod y camerâu.
Cynhaliwyd yr ymgynghoriad ar ôl i arolygon nodi bod “cyflymder troseddol yn digwydd yn barhaus” ar hyd y ffordd, gan olygu bod angen gweithredu ar frys i wella diogelwch. Ystyriwyd sawl opsiwn, a barnwyd mai camerâu cyflymder cyfartalog oedd yr ateb mwyaf effeithiol i leihau goryrru.
Darllen mwy>
30/09/2021
O 4 Hydref ymlaen, mae Llywodraeth Cymru wedi rhybuddio y gallai modurwyr sy'n gyrru’n gyflymach na'r terfynau cyflymder 50mya ar rai o'r ffyrdd mwyaf llygredig yng Nghymru gael llythyr neu ddirwy drwy’r post.
Y penderfyniad i gyflwyno terfynau cyflymder amgylcheddol i wella lefelau ansawdd aer mewn pum lleoliad ledled Cymru yn 2018 oedd y cyntaf o'i fath yn y DU, gan ddangos ymrwymiad Llywodraeth Cymru i roi'r amgylchedd wrth wraidd popeth y mae'n ei wneud.
Mae'r cynlluniau eisoes wedi llwyddo i achosi gostyngiad o 47% yn y lefelau nitrogen deuocsid yn yr ardaloedd lle y mae’r effaith yn sylweddol, gan helpu i amddiffyn pobl rhag salwch difrifol yn ogystal â chwarae rhan wrth fynd i'r afael â'r argyfwng hinsawdd.
Darllen mwy>
27/09/2021
Heddiw gwelir dechrau ein Hymgyrch 20mya y tu allan i Ysgolion Cynradd ledled Cymru. Mae'r cyfyngder cyflymder o 20mya y tu allan i fwyafrif o Ysgolion Cynradd Cymru yno i gadw plant a rhieni'n ddiogel wrth iddynt gerdded i'r ysgol ac oddi yno.
Mae cerdded i'r ysgol yn ddewis amgen iach ac ecogyfeillgar yn lle gyrru i'r ysgol, ac ynyn ddull cynyddol boblogaidd o deithio i rieni a'u plant ar eu teithiau dyddiol i'r ysgol.
Dywedodd Teresa Ciano, Rheolwr Partneriaeth GanBwyll: "Mae gan ein Hymgyrch 20mya y tu allan i Ysgolion Cynradd ledled Cymru un nod allweddol, sef annog cydymffurfiaeth â'r cyfyngder cyflymder i gadw plant a rhieni'n ddiogel wrth iddynt gerdded i'r ysgol adref ar ddiwedd y dydd.
Darllen mwy>
06/09/2021
Gwiriodd swyddogion 40 o gerbydau ac arestiwyd pedwar o bobl yn rhan o'r ymgyrch ddiweddaraf i wasgu'n dynn ar droseddau moduro.
Nod Ymgyrch Utah - diwrnod o weithredu amlasiantaeth – yw darganfod a mynd i'r afael â defnyddwyr ffyrdd sy'n rhoi modurwyr eraill mewn perygl - naill ai drwy yrru'n anghyfreithlon neu drwy yrru cerbydau nad ydynt o safon ddiogel.
Roedd yr ymgyrch yn cynnwys swyddogion o'r uned plismona ffyrdd, yr adran cŵn, tîm troseddau gwledig, tîm Dangos y Drws i Drosedd, yr heddlu gwirfoddol, swyddogion ymateb a gwirfoddolwyr staff yr heddlu.
Darllen mwy>
16/08/2021
Mae terfyn cyflymder newydd o 20mya yn cael ei gyflwyno mewn ardal helaeth o Lanelli fel rhan o ymgyrch Llywodraeth Cymru i ostwng y terfyn cyflymder sydd wedi'i rhagosod yn genedlaethol.
Mae Gogledd Llanelli, sy'n cynnwys Dafen, rhai rhannau o Felin-foel ac ardal Llanerch, wedi'i dewis fel un o wyth cymuned yng Nghymru i dreialu terfyn cyflymder cenedlaethol arafach o 30mya i 20mya mewn ardaloedd preswyl a strydoedd prysur i gerddwyr.
Mae tystiolaeth yn dangos bod cyflymderau arafach yn arwain at lai o wrthdrawiadau ac yn lleihau difrifoldeb anafiadau, ac yn enwedig mewn mannau lle cyflwynir terfynau cyflymder o 20mya, mae gostyngiad yn nifer y rhai sy'n cael eu hanafu.
Darllen mwy>
03/08/2021
Unwaith eto eleni, mae Cyngor Gwynedd a Heddlu Gogledd Cymru yn cydweithio i daclo problemau sy’n gysylltiedig â pharcio anghyfreithlon ac anghyfrifol.
Gyda niferoedd digynsail o bobl yn ymweld â Gwynedd, mae parcio anghyfrifol yn rhai o brif gyrchfannau’r sir yn destun pryder.
Mae swyddogion wedi bod yn targedu’r lleoliadau yma i gadw’r ardal yn ddiogel i holl ddefnyddwyr y ffordd.
Darllen mwy>
21/07/2021
Roedd dynes a oedd deirgwaith dros y terfyn yfed a gyrru ac a fydd yn ymddangos yn y llys fis nesaf ymysg nifer o arestiadau yfed a gyrru a gyrru ar gyffuriau a wnaed gan yr Uned Plismona Ffyrdd dros y penwythnos.
Stopiwyd y ddynes 39 oed o Fanceinion ar yr A55 yn Llanelwy toc wedi 6yh nos Wener wedi galwad frys i'r Ystafell Reoli yn hysbysu swyddogion ei bod wedi cael ei gweld yn yfed mewn bar gerllaw.
Stopiodd swyddogion hi ar y briffordd tua'r dwyrain lle cafodd brawf anadl. Methodd y prawf anadl ochr ffordd ac fe'i harestiwyd ac aethpwyd a hi i ddalfa'r heddlu lle rhoddodd ddarlleniad pellach o 124mg – y cyfyngiad cyfreithiol ydy 35mg am bob 100ml o anadl.
Darllen mwy>
15/07/2021
Bydd gwasanaeth Safonau Masnach Cyngor Sir Ddinbych yn gwirio pwysau carafanau a faniau gwersylla a rhoi cyngor diogelwch am ddim.
Drwy bartneriaeth â Safonau Masnach Conwy, gall trigolion sy’n bwriadu mynd ar wyliau mewn carafán neu fan wersylla gael gwiriad am ddim er mwyn sicrhau nad ydynt yn gorlwytho eu cerbydau a rhoi eu hunain mewn perygl.
Bydd swyddog o adain Diogelwch Cymunedol Heddlu Gogledd Cymru wrth law i roi cyngor ymarferol ynglŷn â chadw’ch car a’ch carafán yn ddiogel.
Darllen mwy>
