20/05/2021
Mae Cyngor Sir Ddinbych yn annog gyrwyr i beidio ag anwybyddu gorchymyn traffig sydd mewn grym yng nghanol tref y Rhyl.
Mae pryderon ynglŷn â’r cynnydd yn nifer y cerbydau sy’n defnyddio llwybr o ben uchaf y Stryd Fawr, ar hyd Sussex Street i ymuno â Queen Street.
Mae gorchymyn traffig mewn grym ar gyfer y llwybr hwn sy’n gwahardd pob cerbyd rhag cael mynediad rhwng 10am a 5pm.
05/05/2021
Mae terfynau cyflymder newydd ar waith ar Rodfa'r Gorllewin (A48) i wella diogelwch ar y ffyrdd ac ansawdd yr aer ar un o ffyrdd prysuraf Caerdydd.
Mae terfyn 30 mya - wedi'i osod o'r blaen fel 40 mya - bellach ar waith at Rodfa'r Gorllewin i'r ddau gyfeiriad rhwng Cylchfan Trelái a Chyfnewidfa Gabalfa.
Mae terfynau cyflymder ar y darn o Rodfa sy'n weddill hefyd wedi'u haddasu, gyda'r newidiadau canlynol ar waith:
15/04/2021
Cafodd dros 40 o yrwyr eu riportio am droseddau moduro yn rhan o weithgarwch diweddaraf Ymgyrch Utah.
Mae Ymgyrch Utah yn ymgyrch amlasiantaeth a'i nod yw darganfod a mynd i'r afael â defnyddwyr ffyrdd sy'n rhoi modurwyr eraill mewn perygl - naill ai drwy yrru'n anghyfreithlon neu drwy yrru cerbydau nad ydynt o safon ddiogel.
Digwyddodd yr ymgyrch diogelwch ar y ffyrdd ddydd Gwener 9 Ebrill yn safle profi a phont bwyso'r Asiantaeth Safonau Gyrwyr a Cherbydau ar gylchfan Coldra, Casnewydd.
08/03/2021
Mae 62 uned gwefru cerbydau trydan cyflym deuol 22kW wedi'u gosod mewn 34 safle ar draws Gwent.
Mae'r prosiect wedi'i ddarparu mewn partneriaeth rhwng pum awdurdod lleol Gwent: Cyngor Bwrdeistref Sirol Caerffili, Cyngor Bwrdeistref Sirol Torfaen, Cyngor Bwrdeistref Sirol Blaenau Gwent, Cyngor Dinas Casnewydd a Chyngor Sir Fynwy.
Rhoddwyd grant gwerth £465,000 ar gyfer y prosiect gan Swyddfa Cerbydau Allyriadau Isel Llywodraeth y Deyrnas Unedig, gyda chyllid cyfatebol gan bob awdurdod lleol. Ymgymerodd cwmni Cymreig, Silverstone Green Energy, â'r gwaith gosod, a fydd hefyd yn rheoli a chynnal a chadw'r mannau gwefru hyd at 2025.
04/03/2021
Bydd terfyn parhaol cyflymder cyfartalog gorfodol o 50 milltir yr awr yn fyw rhwng cyffyrdd 24 a 28 ar yr M4 erbyn dydd Llun Mawrth 15fed.
Mae'r mesur yn rhan o ddull Llywodraeth Cymru o fynd i'r afael â thagfeydd yn yr ardal fel yr argymhellwyd yn adroddiad yr Arglwydd Burns a gyhoeddwyd yn dilyn y gwaith a wnaed gan Gomisiwn Traffig De Ddwyrain Cymru a sefydlwyd i edrych ar wella symudiad cerbydau ar hyd coridor yr M4 o gwmpas Casnewydd.
Dros yr wythnosau nesaf, bydd gwaith yn cael ei wneud i gwblhau'r gwaith o osod y camerâu a'r arwyddion ffyrdd.
07/12/2020
Bydd heddluoedd ar draws Cymru unwaith eto’n cynnal ymgyrch atal gyrru dan ddylanwad alcohol a chyffuriau drwy gydol mis Rhagfyr er mwyn targedu’r rhai hynny sy’n peryglu bywydau pobl eraill drwy fynd y tu ôl i’r llyw pan dan ddylanwad alcohol neu gyffuriau.
Yn ystod ymgyrch y llynedd roedd gan 10% o’r holl gerbydau a stopiwyd yrrwr dan ddylanwad alcohol neu gyffuriau.
Dwedodd yr Uwcharolygydd Clark Jones-John o Heddlu Dyfed-Powys fod y ffigur hwn yn syml iawn yn annerbyniol.
09/11/2020
Yn yr awdurdodau lleol canlynol y cynigir cyrsiau Pass Plus Cymru:
Abertawe
10 Tachwedd 2020
8 Rhagfyr 2020
12 Ionawr 2021
Casnewydd
14 Tachwedd 2020
25 Chwefror 2021
Rhondda Cynon Taf
1 Rhagfyr 2020
26 Ionawr 2021
2 Mawrth 2021
Cliciwch ar ardal eich awdurdod lleol i archebu lle. dragondriver.com/cymraeg/pass-plus-cymru-booking/
06/11/2020
Mae Heddlu Gogledd Cymru yn cefnogi ymgyrch Operation Drive Insured sydd wedi’i anelu at leihau’r nifer o yrwyr sy’n gyrru heb yswiriant ar ffyrdd y rhanbarth.
Yn ystod wythnos o orfodaeth, mae swyddogion ar draws y wlad wedi bod yn cynnal ymgyrch wedi’i anelu at dargedu gyrwyr heb yswiriant.
Mae’r ymgyrch yn cael ei gydlynu gan y Biwro Yswirwyr Moduron (MIB) a’u partneriaid er mwyn amlygu’r broblem o yrru heb yswiriant.
13/10/2020
Mae Gweinidogion yn cefnogi argymhellion grŵp o arbenigwyr annibynnol i roi pwerau gorfodi sifil newydd i awdurdodau lleol allu dirwyo pobl sy’n cam-barcio.
“Nid yw’r gyfraith fel ag y mae hi mor glir ag y dylai fod”, dywedodd y Dirprwy Weinidog Trafnidiaeth, Lee Waters AS, a sefydlodd y tasglu.
“Nid oes y fath drosedd â pharcio ar bafin, ac er bod yr heddlu yn cael defnyddio’r drosedd bresennol o ‘greu rhwystr diangen ar ran o’r briffordd’, anaml iawn y gwnân nhw hynny”, dywedodd.