25/01/2019
Mae'r cyfle yn cael ei gynnig i yrwyr aeddfed yng ngogledd Powys i ddiweddaru eu gwybodaeth am yrru ar y ffyrdd, diolch i weithdy anffurfiol a drefnir gan y cyngor sir.
Bydd Uned Diogelwch ar y Ffyrdd Cyngor Sir Powys yn cynnal ei weithdy Diweddaru Theori Gyrru yn Y Trallwng ar ddydd Mawrth, 5 Chwefror am 1.30pm am ddwy awr.
Wedi anelu at yrwyr sy'n 65 mlwydd oed a hŷn yn y sir, bydd y gweithdy anffurfiol sy'n seiliedig ar ystafell ddosbarth ac yn ddwy awr o hyd, yn cynnig cyfle i'r sawl sy'n bresennol i ddiweddaru eu gwybodaeth ar Reolau'r Ffordd Fawr a gofynion trwyddedau gyrwyr. Fe fydd hefyd yn cynnwys pynciau megis gyrru yn ystod y nos, cyfreithiau meddyginiaeth ac alcohol a diogelwch personol y tu ôl i'r llyw.
Darllen mwy>
11/01/2019
Bwriedir i Gyngor Bwrdeistref Sirol Caerli gymryd drosodd dyletswyddau Gorfodi Parcio Sifil gan Heddlu Gwent ym mis Ebrill 2019.
Bydd trosglwyddo pwerau Gorfodaeth Sifil yn caniatáu i'r cyngor ddarparu dull cydlynol a chyson o orfodi rheoliadau traffig a bydd yn helpu i wella diogelwch ar y yrdd, llif traffig a lleihau rhwystrau. O'r dyddiad hwn, bydd swyddogion gorfodi sifil yn ymgymryd â dyletswyddau gorfodi mewn trefi a phentrefi ar draws bwrdeistref sirol Caerffili ac, os canfyddir bod cerbyd yn cael ei barcio'n anghyfreithlon, mae'n bosibl y bydd yn cyhoeddi Rhybudd Tâl Cosb. Mae deddfwriaeth yn pennu y bydd unrhyw weddill a greir drwy gyhoeddi Gorfodi Parcio Sifil yn cael ei ail-fuddsoddi yn y rhwydwaith priyrdd.
Bydd y mesurau newydd yn caniatáu i'r cyngor ganolbwyntio ar fuddiannau trigolion, busnesau lleol a gweithredwyr cludiant trwy dargedu parcio preswyl a chanol y dref a chamddefnyddio mathau penodol o barcio megis mannau parcio i'r anabl, ardaloedd llwytho, arosfannau bysiau a llinellau melyn dwbl.
Darllen mwy>
08/01/2019
Cafodd nifer o ddiffygion cerbydau eu darganfod yn ystod ymgyrch diogelwch y ffyrdd a gynhaliwyd mewn tref yn Sir Ddinbych dros y penwythnos.
Ar nos Sadwrn 5 Ionawr gwnaeth swyddogion o Uned Plismona’r Ffyrdd a’r Heddlu Gwirfoddol stopio a siarad â nifer o fodurwyr yn Ninbych fel rhan o’u hymdrechion i leihau anafiadau ar y ffyrdd.
Cynhaliwyd yr ymgyrch o 8yh ymlaen gyda swyddogion yn gwirio cerbydau a manylion gyrwyr o amgylch tref Dinbych lle cafodd sawl tocyn cosb eu rhoi am ddiffygion mewn teiars, goleuadau ac ecsôsts. Cafodd modurwyr docynnau am blatiau rhif cerbyd anghyfreithlon a chafodd sawl prawf anadl a chyffuriau ar ochr y ffordd eu cynnal.
Darllen mwy>
16/11/2018
Mae gyrwyr ym Mhowys yn cael eu hannog gan y cyngor sir i baratoi eu ceir i yrru yn y gaeaf.
Mae tywydd garw a chyfnodau hirach o dywyllwch yn gwneud gyrru yn fwy peryglus. Weithiau, gall yr amodau fod yn eithafol, fel y bu i ni ganfod yn ystod y gaeafau diwethaf, gyda chyfnodau hir o eira trwm a llifogydd.
Mae gyrru yn y gaeaf yn wahanol iawn i adegau eraill o’r flwyddyn felly mae Uned Diogelwch ar y Ffyrdd Cyngor Sir Powys wedi cyhoeddi’r awgrymiadau/canllawiau canlynol i helpu gyrwyr i baratoi eu cerbydau i yrru yn y gaeaf.
Darllen mwy>
15/11/2018
Ymunodd Safonau Masnach Ynys Môn yn ddiweddar gydag Asiantaeth Safonau Gyrwyr a Cherbydau a Heddlu Gogledd Cymru fel rhan o ymgyrch genedlaethol i fynd i’r afael diogellwch y ffyrdd.
Cafodd cyfanswm o 45 o gerbydau eu stopio ar Stad Ddiwydiannol Gaerwen ac fe gynhaliwyd nifer o arolygon gan y gwahanol asiantaeth. Roedd hyn yn cynnwys gwiriadau i weld a oedd y cerbydau yn addas i fod ar y ffordd, a oedd yr MOT, trwydded ac yswiriant yn ddilys ac, yn ychwanegol at hynny, aethpwyd ati i ddilysu aelodaeth o gymdeithasau masnachol, siecio gwaith papur a darparu pecynnau cymorth i 19 o fasnachwyr ar y gofynion cyfreithiol.
Daeth y gwahanol asiantaethau o hyd i nifer o achosion o dorri rheolau cydymffurfiaeth ar y diwrnod. Fe arweiniodd hynny at un gwaharddiad yn y fan a’r lle, un gwaharddiad gohiriedig ar gerbydau a chanddo nifer o ddiffygion gan gynnwys nyten ar goll ar yr olwyn, ticedi ar gyfer MOT a oedd wedi dod i ben, dim CPC gyrrwr a gormod o arlliw (‘tint’) ar y ffenestr.
Darllen mwy>
12/11/2018
Mae troseddwyr parcio a thraffig dyfal a pherchenogion cerbydau heb eu trethu yng Nghaerdydd yn wynebu cael olwynion eu cerbydau eu clampio a hyd yn oed eu symud gan y Cyngor ar ran y DVLA.
Trwy ddefnyddio pwerau eisoes wedi'u rhoi a chyda chaniatâd y DVLA, gallai swyddogion gorfodi traffig y Cyngor glampio a symud cerbydau sy'n achosi niwsans ledled y ddinas yn fuan.
Bydd Cabinet Cyngor Caerdydd yn penderfynu yn ei gyfarfod ddydd Iau 15 Tachwedd a fydd yn mabwysiadu'r pwerau newydd.
Darllen mwy>
08/11/2018
Mae Tîm Rheoli Fflyd Cyngor Bwrdeistref Sirol Caerli yn rhedeg ystod o asesiadau gyrwyr CPC ac HGV trylwyr mewnol ar gyfer ei staff ei hun, awdurdodau lleol cyfagos, sefydliadau preifat ac unigolion.
Mae'r cyngor yn gweithredu ystod eang o gerbydau, gan gynnwys peiriannau torri glaswellt, cerbydau casglu sbwriel, bysiau mini, cludiant o'r cartref i'r ysgol a chludiant gymunedol, graeanu'r gaeaf, goleuadau stryd a llawer o wasanaethau eraill. Dywedodd y Cyng. Nigel George – Aelod y Cabinet dros Wasanaethau Cymdogaeth, "Mae buddsoddiad y cyngor mewn CPC mewnol rheolaidd a hyfforddiant HGV achrededig Asiantaeth Safonau Cerbydau a Cherbydau nid yn unig yn dangos ymrwymiad go iawn I ddyfodol ei staff a'n trigolion, ond mae'n sicrhau bod ein gyrwyr yn perfformio yn unol â chanllawiau llym y diwydiant."
Mae'r asesiadau gyrwyr a'r asesiadau hyfforddi ar gael yn ein Depo yn Nhir-y-Berth i unrhyw yrwyr sydd angen hyfforddiant CPC neu HGV.
Darllen mwy>
12/10/2018
Arestiadau, chwiliadau ac atafaelu cerbydau - Ymgyrch Raptor yn syrthio'n drwm ar Gasnewydd
Ymddygiad gwrthgymdeithasol, troseddau cyffuriau a cherbydau amheus oedd testun gweithgarwch diweddaraf Ymgyrch Raptor yng Nghasnewydd.
Rhwng 4pm a hanner nos ddydd Gwener, 28ain Medi 2018, ymunodd swyddogion o Uned Cymorth Ardal, Tîm Tasg y Dwyrain, yr Adran Ci, Timau Plismona Cymdogaeth a Thimau Ymateb Cymdogaeth Heddlu Gwent ledled Casnewydd ar gyfer yr ymgyrch.
Darllen mwy>
31/05/2018
O ddydd Llun 4 Mehefin 2018, bydd dysgwyr gyrru yn gallu cael gwersi gyrru ar draffyrdd yng Nghymru, Lloegr a’r Alban, er na fydd yn orfodol i bawb wneud hynny. Y nod yw helpu i wneud yn siŵr fod rhagor o yrwyr yn gwybod sut i ddefnyddio’r draffordd yn ddiogel.
Ers 2006, mae gyrwyr ifanc yng Nghymru wedi gallu cyfranogi yn Pass Plus Cymru, a’r fersiwn uwch o Pass Plus, cwrs ôl-brawf yr Asiantaeth Safonau Gyrrwr a Cherbyd (DVSA). Fyth ers i’r cynllun gael ei ddyfeisio, mae Llywodraeth Cymru wedi darparu arian grant diogelwch ar y ffyrdd i awdurdodau lleol i alluogi gyrwyr ifanc Cymru i gyfrannu £20 yn unig at y gost o fynychu Pass Plus Cymru.
Mae’n cynnwys gweithdy rhyngweithiol ac yna elfen ymarferol i ddilyn. Yn draddodiadol roedd y cwrs yn cynnwys gyrru mewn tref, ar ffyrdd gwledig ac ar ffyrdd ddeuol; ardaloedd y gallai nifer o yrwyr ifanc fod wedi cael profiad arnynt yn ystod eu gwersi gyrru. Mae Pass Plus Cymru yn adeiladu ar y sgiliau hyn ac yn addysgu gyrwyr am sut i ddelio ag amrywiaeth eang o sefyllfaoedd y mae’n bosibl nad ydynt wedi dod ar eu traws wrth ddysgu gyrru gan gynnwys gyrru ar draffyrdd.
Darllen mwy>
01/03/2018
Gyrwyr sy’n dysgu ar draffyrdd o 4 Mehefin 2018
Gall gyrwyr sy’n dysgu gymryd gwersi gyrru ar draffyrdd gyda hyfforddwr gyrru cymeradwy o 4 Mehefin 2018.
O ddydd Llun 4 Mehefin 2018, bydd gyrwyr sy’n dysgu yn gallu cymryd gwersi gyrru ar draffyrdd yn Lloegr, yr Alban a Chymru.
Darllen mwy>
