25/01/2023
Yn dilyn cymeradwyo Mapiau Rhwydwaith Teithio Llesol (MRhTLl), gan Lywodraeth Cymru, mae'r gwaith wedi dechrau i ddatblygu dyluniadau ar gyfer gwella darpariaeth teithio llesol ar Stryd Hafren y Trallwng.
Byddai hyn, a ddynodwyd ar MRHTLl gan y gymuned a rhanddeiliaid, yn ffurfio cam cyntaf prosiect ehangach i greu rhwydwaith teithio llesol lleol - gan alluogi ymgymryd â rhagor o deithiau ar droed neu ar feic oddi fewn i'r dref.
Byddai'r llwybr arfaethedig yn rhedeg ar hyd ochr ogleddol Stryd Hafren, o'r orsaf drenau tuag at y bont dros y gamlas. Byddai'r prosiect yn arwain at ledu'r llwybr presennol i ddyfod yn llwybr a rennir gan feicwyr a cherddwyr, a gwelliannau'n cael eu gwneud i'r arwyneb a'r draeniad, gan wella diogelwch i'r holl ddefnyddwyr - ond yn enwedig i deuluoedd a disgyblion sy'n mynd a dod o Ysgol Gymraeg y Trallwng, yr ysgol gynradd cyfrwng Cymraeg newydd, a chymudwyr sy'n defnyddio'r orsaf drenau. Fel rhan o'r gwaith dylunio, caiff ystyriaeth hefyd ei roi i'r croesfannau.
Darllen mwy>
05/01/2023
Mae Cyngor Bwrdeistref Sirol Pen-y-bont ar Ogwr yn croesawu gwaith i wella’r llwybr teithio llesol ar hyd yr A48, o gylchfan Waterton i’r gylchfan yn Picton Court.
Bydd y datblygiad, sydd wedi’i drefnu am gyfnod o tua 12 wythnos ac sy’n dechrau ar 3 Ionawr 2023, yn darparu cyfleusterau teithiol llesol i gerddwyr a beicwyr sy’n teithio ar hyd y llwybr. Bydd hefyd yn ehangu ar y rhwydwaith teithio llesol presennol o Ben-y-bont ar Ogwr i Bencoed - gan ddarparu mynediad mwy uniongyrchol i unedau deheuol Parc Manwerthu Pen-y-bont ar Ogwr.
Ar gost amcangyfrifedig o £586,00 ac wedi’i ariannu gan Lywodraeth Cymru, bydd gwelliannau’n cynnwys lledu llwybrau troed ar hyd yr A48 i greu adnoddau a rennir, ailadeiladu llwybrau troed ac ymylon, clirio llystyfiant, gwelliannau i arwyddion traffig a goleuadau stryd, a mwy.
Darllen mwy>
09/12/2022
Yn ystod 2020 a 2021, cynhaliodd Cyngor Sir Ceredigion ymarfer ymgynghori cyhoeddus yn rhan o’r broses o adolygu’r Mapiau Rhwydwaith Teithio Llesol yng Ngheredigion.
Edrychodd yr adolygiad hwn ar ddiweddaru Map Llwybrau Presennol Ceredigion i amlygu llwybrau teithio llesol sydd wedi cael eu harchwilio i fodloni safonau Canllawiau Dylunio Llywodraeth Cymru, ond hefyd i ddrafftio Map Llwybrau’r Dyfodol newydd a fyddai’n cynnwys llwybrau teithio llesol arfaethedig neu ddyheadol. Yr enw blaenorol ar y mapiau hyn oedd y ‘Map Rhwydwaith Integredig’ ac mae eu hadolygu o bryd i'w gilydd yn rhan o’r dyletswyddau statudol y mae’n ofynnol i bob Awdurdod Lleol yng Nghymru eu cyflawni yn unol â Deddf Teithio Llesol (Cymru) 2013.
Cyflwynwyd fersiwn ddrafft o’r Mapiau Rhwydwaith Teithio Llesol i Llywodraeth Cymru ddiwedd mis Mawrth 2022 a chymeradwyodd y Gweinidog dros Newid Hinsawdd y mapiau ar 03 Awst 2022 yn barod i'w cyhoeddi.
Darllen mwy>
18/10/2022
Dwy ysgol gynradd yng Nghwmbrân yw’r cyntaf yn Nhorfaen i lansio Cynlluniau Teithio Llesol newydd
Datgelodd Ysgol Gymunedol Ffordd Blenheim ac Ysgol Gynradd Coed Efa eu cynlluniau'r mis yma, fel rhan o fis Rhyngwladol Cerdded i’r Ysgol.
Mae’r cynlluniau’n cynnwys ymrwymiad i gynyddu nifer y plant a’r staff sy’n cerdded, yn mynd ar sgwter neu’n seiclo i’r ysgol, trwy wersi a chyfarfodydd ysgol yn ymwneud â buddion teithio llesol, yn ogystal â digwyddiadau i ddathlu Wythnos Cerdded i’r Ysgol.
Darllen mwy>
03/08/2022
Mae Cyngor Bro Morgannwg wedi gwario £10,000 yn prynu beiciau ac offer ar gyfer ysgol yn y Fro i helpu i annog teithio llesol.
Mae'r cyllid, sy'n dod o Grant Cronfa Teithio Llesol Llywodraeth Cymru, wedi cael ei ddefnyddio i brynu 15 beic, cloeon beiciau, helmedau a chynhwysydd storio ar gyfer Ysgol Uwchradd Whitmore.
Bydd y beiciau'n cael eu defnyddio ar gyfer teithio yn ôl ac ymlaen i ddigwyddiadau chwaraeon, gwersi, teithiau maes a hyfforddiant. Gall y beiciau hefyd gael eu benthyca a'u defnyddio gan athrawon a disgyblion i gyrraedd yr ysgol a theithio oddi yno.
Darllen mwy>
25/07/2022
Mae gwaith adeiladu wedi dechrau ar lwybr teithio llesol newydd ar gyfer y safle cyflogaeth strategol yn Brocastle ym Mhen-y-bont ar Ogwr, diolch i fuddsoddiad gwerth £2 filiwn gan Lywodraeth Cymru.
Bydd y llwybr, sy’n gyfochrog â’r A48, ac oddeutu 3km i’r de-ddwyrain o ganol tref Pen-y-bont ar Ogwr, yn cysylltu’r safle cyflogaeth strategol 116 erw yn Brocastle â chylchfan Tredŵr sydd 2km i’r gogledd-orllewin.
Bydd y gwaith yn cynnwys adeiladu llwybr beiciau 2km o hyd, gosod cyrbau ac wyneb y llwybr, croesfannau ffordd â signalau, signalau traffig newydd yn lle’r rhai presennol a goleuadau stryd. Mae Llywodraeth Cymru’n darparu’r cyllid o £2miliwn ar gyfer y llwybr yn ei gyfanrwydd, a dyma ran olaf y gwaith seilwaith ehangach ar safle Brocastle.
Darllen mwy>
30/06/2022
Mae’r Cyngor yn ymgynghori gyda phreswylwyr am gynlluniau i wneud newidiadau i’r briffordd mewn dwy ysgol gynradd oherwydd pryderon am ddiogelwch.
Mae llythyr wedi ei anfon at breswylwyr Ffordd Caedraw ger Ysgolion Ysgol Gatholig y Santes Fair ac Ysgol Gynradd Caedraw yn gofyn iddynt gymryd rhan mewn arolwg am gynlluniau i greu gwell amgylchedd ar y briffordd.
Mae pryderon wedi codi am ddiogelwch yn y lleoliad oherwydd y nifer cerbydau yn parcio ar y pafin ar ffordd sydd â chyfyngiadau mynediad ati yn unig.
Darllen mwy>
16/06/2022
Disgwylir i lwybrau cerdded a beicio yn Abertawe gael eu hehangu ar ôl i Gyngor Abertawe sicrhau miliynau mewn cyllid gan Lywodraeth Cymru.
Mae'r cyngor wedi derbyn cadarnhad gan LlC am fwy nag £8 miliwn o gyllid trafnidiaeth a gaiff ei fuddsoddi yn rhwydwaith cerdded a beicio cynyddol y ddinas.
Caiff rhan o'r cyllid ei defnyddio hefyd i wella prif lwybrau yn y ddinas ar gyfer cludiant cyhoeddus, mewn ymgais i wella gwasanaethau bysus a chyflymu teithiau i deithwyr.
Darllen mwy>
06/06/2022
Mae Bwrdeistref Sirol Pen-y-bont ar Ogwr yn falch o fod wedi sicrhau grant sy'n werth ychydig dros £5 miliwn fel rhan o Gronfa Teithio Llesol Llywodraeth Cymru.
Bydd y cyllid yn fuddiol i drigolion oherwydd caiff ei ddefnyddio i greu llwybrau beicio a cherdded diogel ac agored, fydd yn annog pobl i beidio â dibynnu'n ormodol ar geir.
Bydd hyn hefyd yn hanfodol o ran helpu Cyngor Bwrdeistref Sirol Pen-y-bont ar Ogwr i gyflawni ei dargedau o leihau allyriadau i sero carbon net erbyn 2050.
Darllen mwy>
13/05/2022
Annog pobl i gefnu ar eu ceir a dechrau beicio yw nod buddsoddiad gwerth £50 miliwn a gafodd ei gyhoeddi heddiw gan y Dirprwy Weinidog Newid Hinsawdd, Lee Waters.
Yn ystod ymweliad â’r elusen Pedal Power, a leolir yng Nghaerdydd, dywedodd y Dirprwy Weinidog y byddai’r cyllid yn ariannu llwybrau beicio newydd a chyfleusterau ledled Cymru.
Dywedodd Lee Waters, sydd hefyd â chyfrifoldeb am Drafnidiaeth, "Mae hwn yn fuddsoddiad sylweddol ac yn rhan o’n hymrwymiad i wneud beicio’n haws, fel y gall pobl wneud llai o deithiau mewn ceir a theithio mewn ffordd sy’n well ar gyfer ein planed.
Darllen mwy>
