20/01/2021
Arestiodd Heddlu Gwent 109 o bobl ar amheuaeth o yrru o dan ddylanwad alcohol neu gyffuriau yn rhan o ymgyrch Nadolig diogelwch ar y ffyrdd yr heddlu.
Ymunodd swyddogion o Heddlu Gwent â heddluoedd ledled Cymru, a'r DU, i gynnal archwiliadau cerbydau dan arweiniad cudd-wybodaeth ar ffyrdd o fewn ardal yr heddlu rhwng dydd Mawrth 1 Rhagfyr a dydd Iau 31 Rhagfyr.
Yn ystod cyfnod yr ymgyrch, roedd mwy na hanner y modurwyr a gafodd eu harestio am droseddau gyrru oedd yn gysylltiedig â chyffuriau o dan 30 oed, ac roedd mwyafrif y modurwyr hŷn – dros 30 oed – wedi’u harestio am yfed a gyrru.
Darllen mwy>
14/01/2021
Ddydd Mawrth 19eg Ionawr 2021, bydd Comisiynydd yr Heddlu a Throsedd, Dafydd Llywelyn yn cynnal diwrnod ymgysylltu cymunedol rhithiol a fydd yn canolbwyntio’n benodol ar Ddiogelwch Ffyrdd, lle bydd Heddlu Dyfed-Powys yn lansio ymgyrch genedlaethol, 5 Angeuol.
Mae Heddlu Dyfed-Powys yn arwain ar lefel genedlaethol ar yr ymgyrch 5 Angeuol, sy'n canolbwyntio ar y pum llinyn sy'n ymwneud â'r prif ffactorau sy’n dueddol o arwain at wrthdrawiadau angheuol a gwrthrawiadau lle ceir anafiadau difrifol, sef yfed a gyrru / cyffuriau; goryrru; ddim yn gwisgo gwregys diogelwch; defnyddio ffôn symudol; gyrru diofal.
Bydd yr Ymgyrch yn cael ei lansio gan y Comisiynydd Heddlu a Throsedd Dafydd Llywelyn yn fyw ar Facebook, yn ystod ei ddarllediad byw cyntaf o’r flwyddyn, ddydd Mawrth Ionawr 19eg lle bydd ACC Mark Travis o Heddlu De Cymru yn ymuno ag ef, sef Arweinydd Strategol ar gyfer Plismona Ffyrdd yng Nghymru, a Teresa Ciano, Rheolwr Partneriaeth GoSafe.
Darllen mwy>
07/12/2020
Nid oes dianc rhag y ffaith fod 2020 wedi bod yn anodd – gyda chyfyngiadau symud lleol a chenedlaethol a chyfyngiadau ar deithio – i bawb. Er y bydd y Nadolig yn teimlo'n wahanol eleni, mae rheolau'r ffordd yn dal i fod yr un fath.
Mae Heddlu Gwent yn atgoffa modurwyr i gadw'n ddiogel drwy barhau i ddilyn rheolau'r ffordd – a fydd yn dal i fod yr un fath – y Nadolig hwn.
Er efallai y bydd y ffyrdd yn dawelach nag arfer, disgwylir y bydd prif ffyrdd ac is-ffyrdd yn brysurach rhwng dydd Mercher 23 Rhagfyr a dydd Sul 27 Rhagfyr wrth i bobl deithio o amgylch Cymru a'r DU yn ehangach i ymweld â'u teuluoedd ar gyfer y Nadolig.
Darllen mwy>
21/09/2020
Mae Wythnos Genedlaethol Iechyd Llygaid yn cael ei chynnal rhwng 21 a 27 Medi 2020, a nod yr wythnos yw hybu pwysigrwydd iechyd y llygaid a’r angen am brofion llygaid rheolaidd.
Mae golwg dda yn hanfodol wrth ichi ddefnyddio’r ffordd, waeth beth fo’ch oedran. Rhaid i yrwyr a beicwyr modur allu darllen plât cofrestru cerbyd o bellter o 20 metr (neu 20.5 metr os cafodd y cerbyd ei gofrestru cyn Medi 2001) gan wisgo sbectol neu lensys cyffwrdd os oes eu hangen.
Os ydych yn ei chael yn anodd darllen arwyddion ffordd, yn enwedig y rhai â thestun arnynt, gallai hynny fod yn arwydd bod eich golwg wedi dirywio ac y gall fod angen lensys i gywiro’ch golwg. Os ydych yn ei chael yn anos gweld yn glir yn y tywyllwch, fe allai hynny hefyd olygu bod angen ichi wisgo sbectol neu lensys cyffwrdd.
Darllen mwy>
14/05/2020
I hyrwyddo neges y Pump Peryglus, gwahoddir ysgolion, colegau a mudiadau ieuenctid i greu, perfformio a recordio ffilm fer a fydd yn rhybuddio pobl o beryglon a chanlyniadau yfed a gyrru/gyrru ar gyffuriau, gyrru'n rhy gyflym, gyrru'n ddiofal, peidio â gwisgo gwregys diogelwch a defnyddio ffôn symudol wrth yrru. Bydd y ffilmiau byr buddugol yn cael eu rhannu ar sianeli cyfryngau cymdeithasol Partneriaid Diogelwch Ffyrdd Cymru i godi ymwybyddiaeth o'r Pump Peryglus.
Canllawiau’r Gystadleuaeth
1. Dylai aelodau'r tîm fod rhwng 11 a 25 oed.
2. Rhaid i'r cyflwyniad bara am lai na 30 eiliad a gall gynnwys unrhyw un o'r canlynol:
- Perfformiad cerddorol
- Drama/Sgetsh
- Barddoniaeth/Anerchiad
- Animeiddio
- Rhaglen ddogfen
- Comedi
- Dawnsio
Darllen mwy>
29/10/2019
Mae rhieni ledled Sir Gaerfyrddin yn cael eu hatgoffa i wneud yn siŵr fod modd gweld eu plant dros Galan Gaeaf.
Mae tîm diogelwch ffyrdd y Cyngor wedi lansio ei ymgyrch 'gwisgwch yn llachar' i gyd-fynd â throi'r clociau'n ôl ddydd Sul, Hydref 27.
Wrth i'r boreau dywyllu a'r nosweithiau fyrhau, mae plant yn cael eu hannog i wisgo dillad llachar. Hefyd, gall rhieni ystyried buddsoddi mewn rhwymynnau llachar i'r breichiau neu siacedi llachar i helpu i gadw eu plant yn ddiogel pan fyddan nhw'n ymlwybro yng nghyffiniau heolydd.
Darllen mwy>
12/06/2019
Mae ymgyrch gynhwysfawr i sicrhau bod dinasyddion Casnewydd yn ymwybodol y bydd yr awdurdod lleol yn cymryd dros gyfrifoldebau Gorfodi Parcio Sifil wedi’i nodi’n llwyddiant.
Mae amrywiaeth o negeseuon, gan ddefnyddio’r hashnod #ParciwchYnGywir, wedi cael eu rhoi ar sianeli cyfryngau cymdeithasol Cyngor Dinas Casnewydd, gan gynnwys ar y wefan, ar Facebook ac ar Twitter.
Maent i gyd yn pwysleisio bod angen i yrwyr ddilyn rheolau’r ffordd fawr – ac os bydd pawb yn dilyn y rhain, yna bydd y ddinas yn lle mwy diogel i gerddwyr, beicwyr a gyrwyr.
Darllen mwy>
30/11/2018
“Rhyw dro byddwch yn sylweddoli'r difrod dach chi wedi’i wneud ond erbyn hynny mi fydd hi’n rhy hwyr. Mae gan bawb ddewis” - dyna’r neges sy’n cael ei chyhoeddi gan Heddluoedd Cymru wrth iddynt baratoi i lansio eu hymgyrch yn erbyn yfed a gyrru a gyrru o dan ddylanwad cyffuriau dros gyfnod y Nadolig.
Wedi ei harwain gan Heddlu Gogledd Cymru mae’r ymgyrch mis o hyd yn dechrau ar ddydd Sadwrn, 1af o Ragfyr lle bydd heddluoedd ar draws y wlad yn defnyddio tactegau cudd-wybodaeth a gwybodaeth leol o lecynnau sydd ag enw drwg i ganfod pobl sy’n gyrru o dan ddylanwad cyffuriau ac alcohol dros gyfnod yr Ŵyl.
Mae’r ymgyrch yn cynnwys profiadau swyddogion o Uned Plismona’r Ffyrdd Heddlu Gogledd Cymru o ddelio ag effeithiau gweld damwain yn ymwneud â gyrwyr sydd wedi bod yn yfed neu o dan ddylanwad cyffuriau.
Darllen mwy>
24/09/2018
Mae Wythnos Genedlaethol Iechyd Llygaid yn cael ei chynnal rhwng 24 a 30 Medi 2018, a nod yr wythnos yw hybu pwysigrwydd iechyd y llygaid a’r angen am brofion llygaid rheolaidd.
Mae golwg dda yn hanfodol wrth ichi ddefnyddio’r ffordd, waeth beth fo’ch oedran. Rhaid i yrwyr a beicwyr modur allu darllen plât cofrestru cerbyd o bellter o 20 metr (neu 20.5 metr os cafodd y cerbyd ei gofrestru cyn Medi 2001) gan wisgo sbectol neu lensys cyffwrdd os oes eu hangen.
Os ydych yn ei chael yn anodd darllen arwyddion ffordd, yn enwedig y rhai â thestun arnynt, gallai hynny fod yn arwydd bod eich golwg wedi dirywio ac y gall fod angen lensys i gywiro’ch golwg. Os ydych yn ei chael yn anos gweld yn glir yn y tywyllwch, fe allai hynny hefyd olygu bod angen ichi wisgo sbectol neu lensys cyffwrdd.
Darllen mwy>
20/08/2018
Cafodd dros 170 o arestiadau am yfed a gyrru a gyrru ar gyffuriau eu gwneud yng Ngogledd Cymru fel rhan o ymgyrch cenedlaethol er mwyn targedu’r rhai sy’n gyrru o dan ddylanwad.
O dan arweiniad Heddlu De Cymru, fe lansiodd y pedwar heddlu yng Nghymru'r Ymgyrch Atal Yfed a Gyrru a Gyrru ar Gyffuriau Cenedlaethol er mwyn cyd-fynd â chystadleuaeth Cwpan y Byd.
Rhwng 14 Mehefin a 14 Gorffennaf gwnaeth Heddlu Gogledd Cymru arestio 109 am yfed a gyrru a 65 am yrru ar gyffuriau.
Darllen mwy>
